addonare
Addonatio, Ipsa clientelaris professio. Charta Philippi Pulc. reg. Fr. ann. 1296. ex lib. rub. Cam. Comput. Paris. fol. 417. v°. col. 1 :
Concedimus insuper eisdem
præposito, decano, thesaurario, et capitulo de gratia speciali, quod omnes homines et
feminas nobiles aut liberos, de extra regnum vel de regno nostro, in castellania
Petræfontis venientes ac venturos morari, qui se eisdem præposito, decano, thesaurario,
et capitulo infra annum et diem Addonaverint seu se Advoaverint ab eisdem, post talem
Addonationem seu advocationem, ipsi præpositus, decanus, thesaurarius, et capitulum in
suos recipiant et retineant.... Quod si infra annum et diem, ex quo morari in dicta
castellania ceperint se se memoratis præposito, decano, thesaurario, et capitulo non
Addonaverint aut advoaverint ; tunc anno et die prædictis elapsis, ipsos homines et
feminas in sua advoatione vel Addonatione recipere non poterunt. Vide supra Aclamatio et in Advocare
3.