, Idem qui Affactor et Affectator, de quibus infra. At vix suadeor
utroque sutores veteramentarios designari : ipsum repugnat exemplum in voce Affectatores allatum, sc. qui coria Affectata bovum, vel
vaccarum... attulerint, etc. quod certe coriarios, seu coriorum infectores, Gall.
Taneurs, innuere videtur. In veteri Catalogo MS. Sodalium Societatis de Nativ. B.
Mariæ Virginis in Ecclesia B. Mariæ Deauratæ erectæ legitur, N. Afactator, P.
Affactator : quibus Mactatores, seu Lanios, Gall. Tueurs, Bouchers, designari
quidam arbitrantur, hoc argumento ducti, quod Tholosatibus etiamnum Affachomen idem
sit quod Laniarium. Gall. Boucherie. Ut ut est, pro Coriariis stamus. Vide Affait et Affaitia.