affranquire
Francos, id est, liberos et immunes reddere ;
Affranquivimus omnes homines quicumque venerint, populaverint, et casaverint se
in castro de Bidalos ab omni censu et questa. Alia Raimundi Comit. Tolosani ann.
1238. pro quitatione castri de Stretefons, in Regesto Comitum Tolosæ fol. 44 :
Salvis tamen Affranquimentis, si ipse Aimericus de Castro novo fecerit de
aliquibus infantibus prædictorum hominum et mulierum, de quibus Affranquimentis essent
authentica instrumenta. Vide Catellum in Comitibus Tolosanis pag. 220. et infra
in verbo Manumissio.Joannes Martini de Massilia præmissorum considerationibus motus, volens
et admodum cupiens Joannem Chacaudum, de natione Maurorum, servum suum, catholicum et
baptisatum, graciose Affranquimenti beneficio munerare, ob illius reverentiam et amorem,
qui humanum genus suo sanguine a servitute redemit, bona fide, omnique dolo et fraude
remotis, per se et suos ipsum Joannem servum suum hic præsentem et audientem flexis
genibus Affranquivit, manumisit, quitavit, liberavit, penitus et absolvit, ipsumque
recipiendo per manus a dicta servitute, in qua prius erat, ejusque manibus totaliter
relaxavit, et francum, quitum, liberum et penitus absolutum deinceps esse voluit,
clamavit et sponte concessit, ita et taliter quod ab inde in antea vendi, dari,
permutari. alienari, inquietari seu molestari non possit per ipsum nobilem et
suos. Quia hæc mihi visa sunt notatu digna, fusius exscripsi. Hinc
Afrancquir, in Charta ann. 1340. ex Chartul. 23. Corb. :
Lesquelles
personnes se disoient francques et se voloient Afrancquir, pour causes des robes desdits
abbé et convent.