allibrati
Dicuntur, qui descripti sunt in libro civium, vel Comitatus alicujus
civitatis. Breviloq. vel communitatis, etc.
Episcopus Florentinus et episcopus Fesulanus.... non possint concedere
alicui suo familiari, qui sit præstantiatus in civitate Florentiæ, vel Alibratus in
comitatu,.... licentiam portandi arma,..... et quicumque præstantiatus aut Allibratus
virtute dictæ licentiæ portaverit arma prædicta, incurrat in pœnam dupli. Bulla
Nicolai V. PP. ann. 1454 : Concedimus quod.... omnes et singuli advenæ et forenses,
qui in civitate et territorio bona stabilia.... possident.... Allibrati, eorumque bona
hujusmodi immobilia, secundum antiquam consuetudinem dictæ civitatis, in ipso catasto
descripti et annotati, etc.