amleit
Laguillein Instrum. Hist. Alsaciæ pag. 50. col. 2 :
Si... aliquem
vel aliquos ex urbis vel predictæ civitatis nostræ civibus ac incolis per Judices
Comitum seu Landgraviorum...
Anleiteest petitoris, cui lis adjudicata est, in bona certa debitoris autoritate judiciali facta inductio. Vide Haltausii Gloss. Germ. col. 35. In Speculo Saxonico est
Inwisung, lib. 3. cap. 82. § 2. Inde dicebatur
Anleiter, Inductor in possessionem, a petitore electus, a judice datus. Vide eundem Haltaus. col. 36. Chart. Rudolphi R. G. ann. 1288 :
Qua
sententia sic rationabiliter et legitime lata, et pro ipso episcopo obtenta, idem
episcopus in possessionem prædictorum bonorum remitti et induci postulavit, et
strenuum virum burggravium de Starckenberg sibi a nobis pro Inductore petiit
deputari... Ipsi igitur burggravio præsenti dicto damus firmiter in mandatis, quatenus
præd. episcopum in dictorum bonorum possessionem auctoritate regia, vice et nomine
nostro inducere nullatenus prætermittat. Anlait dicebatur etiam Inductio in
bona publice damnati vel ab Imperio banniti. Vide in Guden. cod. Dipl. tom. 2. pag. 1338. chartam Germanicam ann. 1466.
AnleiteHaltausio col. 34. est Inductio juratorum in rem præsentem, præcipue in limitum controversiis, ut terminos visitent et certius distinguent. Charta Ottonis Com. Pal. ann. 1228 :
Cum... Abbas et conventus
in Schonaugia ex parte una, et homines in Waltorf, ex altera super terminis suis...
Disceptarent, tandem partes ipsæ talem inter se litem, per limitationem, quæ vulgariter
Anleite dicitur, cupientes finire... electis itaque.... ingressi terminos demonstrarunt,
prout ipsis conscientia sua dictabat, etc., ubi fortasse legendum
Lantleite. Vide Circuitio. Aliud sonat
Anleid. Vide Arra 2.