analabus
Dæmon conspecto crucis signo, quo puer amictus ac consignatus erat,
non est ausus ei nocere ; nam cum Analabo adduxerat eum vir ille, quem patrem hic
appellare piget pudetque. Ubi editor : Analabus quamdam crucis formam
habebat antiquitus, et etiamnum habet apud Minimos S. Francisci de Paula. humeros cum
parte brachiorum tegens, atque ante pectus et ad dorsum defluens. Et quidem ex
antiquis Monachorum imaginibus constat scapulare tunicæ Subdiaconali non fuisse longe
absimile, quæ quidem satis crncis præ se fert effigiem. Sed legenda Vita S. Philareti
Monachi in iisdem Actis SS. April. tom. 1. pag. 614. C : Quid enim dicebat pallium
est, nisi fletus ? Quid Analabus, nisi crucis effigies ? Quid cucullium, nisi cadaveris
in sepulcro conditi formam præfert ? Vide Anaboladium.