barbarini
Ann. 1211. Hugo li Bruns Comes Marchiæ fecit novos
Marchiones fieri : eodem anno Guido Vicecomes Lemovicensis novos Barbarinos fecit apud
Axiam. Chron. S. Stephani Lemovicens. ann. 1263 : Burgenses castri
Lemovicensis fecerunt pactum cum Margareta filia Ducis Burgundiæ relicta Vicecomitis
Lemovicensis, ut moneta quæ vocatur Lemona, (al. Lemocia) ubi erat
nomen Vicecomitis, omnino cassaretur licet esset legalis. Litteræ Eustorgii
Episcopi Lemovic. ann. 1127. in Tabul. S. Steph. Lemovic. : Dijudicaverunt, quod
Episcopus Bosoni 40. sol. monetæ Barbarinorum dedisset. Tabularium
Montismorilionis in Pictonibus fol. 81 : Donarunt pauperibus Domus Dei totum quod
habebant in nemore et in terra feodi, cum 2. solidis Barbarinis reddendis in Natali
Domini, etc. et fol. 100 : Octo denarios Barbarinos.
Lego et dono... monasterio S. Illidii
vii. solidos de Barbaris, etc.Retentis nobis quinque solidis de
Barbaris, vel monetæ ejusdem pretii. Ita fol. 70. et alibi passim. Solidi et denarii Barbarinihabentur fol. 40. 51. 102. 112. 113. Goffrid. Abbas Vindoc. lib. 1. Ep. 21 :
Caroffensem Abbatem non regulariter electum, sed violenter, ut dicitur,
intrusum, pro mille solidis Barbarinorum, Barbarica nimis auctoritate consecrari...
fecistis. Ubi loci nescio an bene viri eruditi, Sirmondus et Altaserra,
Barbarinos, pro Arabicis et Barbaris interpretati sint, ut qui post stabilitum in Hispania Saracenorum imperium, rerum potiente altera Regum nostrorum familia, ex commercio ad nos fluxerint, (licet
BarbarinosSaracenos Africanos appellet non semel Anonymus de Miracul. S. Fidis cap. 13.) ; nam hac appellatione a Vicecomitibus Lemovicensibus, ut
Marchensesa Comitibus Marchiæ cusos satis docemur ex Chronicis supra citatis, tametsi nominis ratio mihi hactenus incomperta sit.
Donant mihi abbas et monachi super hac re supradicti loci, charitatis causa, pro
hoc beneficio, et pro aliis a me semper impendendis, mille solidos Lemovicensis Barbatæ
monetæ. Quæ moneta Barbilléappellatur, in Lit. remiss. ann. 1410. ex Reg. 164. Chartoph. reg. ch. 276 :
Vint pieces de gros Tournois et de Barbillez.