befeht
Nostram Serenitatem adierunt humiliter deprecando, quandam consuetudinem inter
nostros homines trium tantum villarum, scilicet Villæ novæ, Moncii, Caloili, et homines
S. Genovefæ olim habitam quæsierunt in futurum servari, et æterna stabilitate
inviolabiliter confirmari. Et talis est consuetudo Befeht appellata vulgo, quod mulieres
utriuslibet præfatæ villæ nuptu viris mutuo datæ remaneant in maritorum hinc et hinc
servitute, a naturali ancillatione penitus destitutæ, et non solum ipsæ, sed etiam
quotquot sunt utriusque sexus infantes parituræ, quam consuetudinem præsentis cartæ
præcepto firmavimus.