centonizare
[(Gregorius ] antiphonarium regulariter ~avit et utiliter compilavit
More centonario , ex variis libris describere, excerpere. Rupertus
Tuitiensis lib. 2. de Divin. offic. cap. 21. Chron. Reichersperg. ann. 591. et Radulphus
de Diceto in Abbrev. Hist. : Gregorius... Antiphonarium regulariter
Centonizavit . Sigebertus de Scriptorib. Eccles. in Beda : Centonizavit
etiam expositionem in Cantica Canticorum, collectis sententiis de libris Gregorii PP.
per diversa opera illius.Olberto dictante et magistrante, magnum illud Canonum volumen
Centonizavit , et quasi collectis floribus omniformis generis de prato scripturarum
coronam pretiosiorem auro et topasio, in edito Ecclesiæ collocavit. Tertullianus
de Præscript. cap. 39 : Homerocentonas etiam vocare solent, qui de carminibus
Homeri propria opera, more Centonario ex multis hinc inde compositis in unum sarciunt
corpus.