clitones
inclytos, claros. Lexic. Græc. MS. Reg. :
Ethelstanus, Ecbryth, Eadmundus, Eadward, Eadwig, et
Eadgar, cum Clitonisepitheto subscribunt, qui in aliis, quas laudat Watsius, se
Regis filiosappellant. Exstant apud Seldenum in Notis ad Eadmerum Eadgari Regis Statuta pro Reformatione Monasteriorum, quæ in hunc modum subscribuntur :
Ego Eadgar, etc. Ego Eadmund Clito legitimus præfati Regis filius crucis
signaculum infantili florens ætate propria indidi manu. Ego Eadweard eodem Rege Clito
procreatus præfatam patris munificentiam crucis signo consolidavi. Radulfus de
Diceto in Abbrev. Chron. ann. 1037 : Innocentes Clitones Aluredus, et Edwardus
Ethelredi Regis quondam filii : qui Clitunculidicuntur Simeoni Dunel. de Gestis Regum Angl. ann. 1017. Rogerus Hovedenus ann. 918 :
Clito Ethelwardus Regis
Eadwardi Germanus... defunctus est. Vide eumdem ann. 957. et pag. 436. 438.
Simeon Dunelm. de Gestis Regum Angl. ann. 860. et 866. Elfredus Clito. Ann. 866.
Elfredus, id est, Clito Adeling: ubi emendat Somnerus,
Elfredus Clito, id est, Adeling. An. 955 :
Cujus fratruus Clito Edvins, Regis scilicet
Eadmundi... filius. An. 957 : Suus germanus Clito Eadgarus ab iis Rex
eligitur. Ordericus Vital. lib. 5. pag. 566 : Tunc Alu redus et Eduardus
Clitones in Anglia exulabant. Lib. 7. pag. 655 : Canutus.... Edmundum ac
Eduinum Clitonem Edrici dolis peremerat. Lib. 8. pag. 672. de Henrico postmodum
Rege Angliæ : Henricus Clito Constantiniensis Comes in Angliam
transfretavit. Et infra pag. 689 : Eodem tempore Constantiniensis Henricus
Clito strenue regebat. Lib. 11. pag. 838. de Guillelmo Normanno postmodum
Flandriæ Comite : Robertus (genuit) Guillelmum Nothum, qui genuit
Robertum patrem Guillelmi Clitonis. De eo lib. 12. pag. 854 : Ibi
Guillelmus Clito Rodberti Ducis Normannorum filius armatus est. Infra :
Guillelmus quoque Adelingus Guillelmo Clitoni consobrino suo palafridum quem in
bello perdiderat remisit. Eidem Guillelmo Clitonisepitheton tribuunt Chronica S. Stephani Cadomens. ann. 1110. Fridegodus in S. Wilfrido cap. 21 :
Inferias cæso dantes mœrendo Clitoni. GlœttPuer est cujuscunque ætatis. An vero Scani Anglis aut versa vice hi illis hanc vocem in acceptis referant, non liquet.