depactare
Rex autem Cracoviæ et Bulco Dux
malignum fraudulenter conflaverunt consilium, qualiter Joannem Regem et Carolum in eorum
reditu de Prussia possent capere, et post multas calumnias usque ad extremum denarium
Depactare. Ubi Depactarevidetur esse nostrum
Depaqueter, vel
Dévaliser,
Volentes etiam sibi, si bona sua dicto castro pertinentia nostri nomine
Depactata fuerint, cum paribus bonis, hostibus et adversariis nostris pertinentibus,
recompensam facere parem. Et ex Chronico Episcoporum Merseburgensium apud
eumd. Ludewig. tom. 4. pag. 403 : Ipse Episcopus quemdam avunculum suum dictum,
Heinricus de Harras, tunc inopem et egentem sibi assumsit, et de toto suo dominio
potentem fecit. Qui more esurientis canis et saturari cupientis, statim omnes tam
Clericos quam Monachos et Ecclesiæ suæ laicos sine misericordia Depactavit, et postea
castrum Harborg pro octingentis marcis, Episcopo sciente et consentiente,
obligavit.De
cc.
marcis argenti Stendalensis ex Depactationibus vel captivorum depecuniationibus, aut ex
aliis modis quibuscumque nobis evenientibus, satisfecimus integraliter.Depactare, in mox citato Chronico Episc. Merseburg. apud Ludewig. tom. 4. pag. 423 :
Unumquemque pro levi et aliquando nulla culpa seu causa exactionavit
et Depacticavit, et Depacticandorum et exactionandorum delatores specialiter et
teterrime fovebat et dilexit.