dextrariale
Dextrarii, quem vasallus Domino debebat, si qua esset expeditio facienda. Diploma Bernhardi Ducis Silesiæ pro Nobilibus de Rusk ann. 1318. apud Ludewig. Reliq. MSS. tom. 6. pag. 472 :
Decem marcarum reditus cum dimidio fertone
sitos in quarto decimo dimidio manso, in villa que Merico vocatur, prope civitatem
Stregoniam, sine servicio Dextrariali seu servitio quod pro expeditionibus faciendis nos
contingit, contulit. De hujusmodi præstatione intelligendum aliud Diploma
Bolkenis Ducis Silesiæ pro Monasterio Grissoviensi ann. 1326. apud eumd. Ludew. pag. 515 :
Domino Abbati et Conventui Monasterio in Grizow tertiam partem unius Dextrarii,
in quo nobis de bonis suis in Wirbena tenebantur servire.