effestucare
Festucamcedere, abdicare, Gall.
Effestuer. Charta anni 1250. apud Miræum tom. 2. pag. 1233. col. 1 :
Nos ambo dictas justitias terrarum Episcopi... reportavimus libere et absolute
werpivimus et Effestucavimus in manus illustris Dominæ M. Flandriæ et Hannoniæ
Comitissæ. Occurrit in Histor. Lossensi part. 2. pag. 18. inter Instrum. tom. 3.
Gall. Christ. col. 46. ex quibus locis aliisque similibus emendandam puto Chartam anni
1228. apud Miræum tom. 2. pag. 851. col. 2. ubi sic habetur : In eleemosynam
perpetuam reportando Effectuavit, pro quo, ni fallor, legendum Effestucavit. Vide Festuca.