fumans

FUMANS

, Domus, familia. Acta SS. Junii tom. 3. pag. 936. ubi de B. Michelina : Scilicet unus homo pro qualibet decima Fumantium cujuslibet universitatis. In Italia familiæ censentur per focos, maxime in pagis et vicis. Ital. Fumante. Charta ann. 1169. apud Murator. tom. 4. Antiq. Ital. med. ævi col. 168 : Et facere dare in perpetuum promiserunt sex Lucenses pro Fumante, qui parium boum habuerit. Alia ann. 1303. tom. 4. Cod. Ital. diplom. col. 63 : Fiant extima hominum in territorio Medicinæ et ejus curiæ, et etiam Fumantes ; quæ extima et Fumantes ponantur in libro Fumantium et in libro extimorum, ubi sunt descripta nomina aliorum Fumantium et extimorum comitatus Bononiæ.

FUMANS

, Census, qui a singulis Fumantibus seu domibus vel familiis debetur. Charta ann. 1228. apud Murator. tom. 1. Antiq. Ital. med. ævi col. 335 : Cum omni jure, dominio,... albergariis, Fumantibus, patronantiis, et cum omnibus aliis ad nos et curiam de jure, seu de usantiis pertinentibus. Vide Fumanteria.