herthamon
Si præcordia, id est, Herthamon gladio
tetigerit. Ita etiam Editio Heroldi. Vox confecta, inquit Lindenbrogius, ex
Herte, cor, et
Wund, vulnus. Sikama reponit
hertaem, vel
hertaden, ita ut sit corporis pars, ubi vitæ spiritus prope cor continetur, quæ intestina et interanea vitalia appellantur, et corde, ubi vitæ sedes est, quasi prætenta. Somnerus denique legendum censet
Herthemon, vel
Herthemond, quod cordis scutum, vel præsidium significat, diaphragma scilicet, seu præcordia, quæ cordi objacent : voce composita ex herte, vel Saxon. heort, cor, et mond, Saxon. mund, tutela, defensio, munimen.