hloth
turma, vel
cohors, quæ a 7. hominibus, usque ad 35. numeratur. Leges Inæ cap. 13 :
Fures nominamus usque
ad septem homines : a 7. Hloth, id est, cohortem, vel satellites usque ad 35. deinceps
here, id est, exercitus. Cap. 14 : Qui de Hloth fuerit accusatus, abneget
per centum viginti hidas, vel sic emendet. Id est, ait Spelmannus, qui turmæ
illegitimæ interfuisse arguitur, tot sacramentalibus se purget, quotis, qui 120. hidis
æstimatus est vel ea mulcta se eximat, quæcompensatio, emendatio. Leges Aluredi cap. 30 :
Si quis hominem
thwyhindum innocentem cum hlodhe, id est, cohorte, occidat, reddat, qui ictum
confitebitur, weram et witam, et omnis, qui interfuerit, reddat 30. sol. pro
Hlothbota. Adde cap. 31. 32. Leges Henr. I. cap. 87 : Si quis occidatur in
hlothe, reddat interfector weram parentibus, et manbotam domino, et omnes, qui
interfuerunt, Hlotbotam, etc. V.
Lot.