manuscriptio
Manuscriptiones nostræ tenentur et pittacia. Berta Sanctimonialis in Vita
S. Adelheidis Virg. n. 7 : Cujus libertatis donatio ut in perpetuum rata foret et
firma, et duorum Imperatorum, scilicet Ottonis et Henrici, Manuscriptione ac sigilli
impressione confirmata.Tangens Manuscripturam, quam ipse
depinxit.Abnegavit Christum, (verba sunt
dæmonis) et professus est mihi et ecce Manuscriptum habeo, et in die judicii ad
communem judicem eum duco. Infra : Et stante populo in horam multam,
extensas habente manus in cœlum, ecce Manuscripta pueri per aërem delata et ab omnibus
visa venit, etc. Concilium Avenionense ann. 1337. cap. 27 : Statuimus,
quod nullus creditorum, Christianis aut Judæis, postquam fuerit ei de integro debito
satisfactum, possit contra voluntatem debitoris instrumentum vel Manuscriptum soluti jam
debiti retinere.