nemanceps
Omnes res
mancipi sunt, aut nec mancipi, hoc est ut exponit Martinius in Lexico, sunt in
mancipio, aut non sunt ; subsunt dominio, juri et potestati, aut non subsunt. Aliter, at
minus recte, Joh. de Janua : Nemanceps, i. Emanceps, ex ne et manceps, quasi qui
jam non est manceps, et a Manceps et Nemanceps dicitur Mancipi et Nemancipi, nomina
indeclinabilia et omnis generis..... Res mancipi dicitur, quæ cum alienatur, i. quæ,
cum a potestate vendentis transit in potestatem ementis, manu capi potest, ut equus.
Sed res mancipi (Nemancipi) dicitur, quæ, cum præmisso modo alienatur, manu capi non
potest, ut ager.