nummularii

NUMMULARII

, Ἀργυραμοιβοί, κολλυβισταί, Campsores, qui nummulos et minutos nummos pro majoribus dabant iis, qui necesse habebant majores minoribus ad usum quotidianum permutare. Gl. Gr. Lat. : Χαλκολόγος, Nummularius, æsculator. Gloss. Lat. MS. Regium : Nummularius, Collectarius, Mensarius. Vide leg. 19. D. de Edendo. (1, 13.) Utuntur Suetonius in Galba cap. 9. Martialis lib. 12. Epigr. 57. et Interpres Latinus Matth. 21. 12. et 25. 27. Marc. 11. 15. Joan. 2. 14. et 15. ubi Græcus habet κολλυβισταί, τραπεζίται vel κερματισταί.

nummularius

, Monetarius. Papias : Nummularius, Qui facit nummos vel monetarius. Tabularium Ecclesiæ Gratianopolitanæ fol. 78 : Brevis, vel computatio de consuetudine, quam Episcopi Gratianopolitanæ urbis.... habuerunt.... in Ecclesia sancti Donati Confessoris.... Est et insuper alia consuetudo in prædicta Ecclesia, vel in supradicto loco, ut in suo cymiterio nobiles et potentes, divites et pauperes sine ulla contradictione sepeliant, et Nummularios, hoc est, Monetarios habeant.