petagium
Pedagium, tributum quod penditur. Meisterlinus Histor. Rer. Noriberg. apud Ludewig. tom. 8. Reliq. MSS. pag. 122 :
Pavonici prætorium
occupantes, nitebantur Capribarbis tributa rursus abolita imponere, sed hi refutabant,
vectigalia nulla obveniebant, nec de Petagiis ulla spes deficiente, nedum Baccho, sed
etiam Cerere. Chartular. S. Vandreg. tom. 1. pag. 1148 : Dimisi...
viginti octo perticas terræ ad faciendum fossatos circa nemus dictorum Religiosorum de
Guise pro quitatione et remissione unius minæ brasii et quinque ovorum de Petagio, quam
minam brasii et quæ ova prædicti Religiosi mihi et hæredibus meis penitus
remiserunt.