primissarius
Primitiarius, de qua voce infra. Synodus Augustensis ann. 1540. celebrata :
Capellani et Primissarii Rectoribus aut Plebanis suis debitam
reverentiam exhibeant. Vox, ut videtur, deducta ex Primicerius.
Unam Primissariam... mane in aurora per ydoneum
sacerdotem quotidie celebrandam, etc. Premissarius, Germ. Et sciendum quod quamvis in adjunctis olim
novissimis vicariis ultimus eorumdem, ut in principio præsentis libri narratur, in
Primissarium ecclesiæ pro expeditione primæ missæ in diluculo ante solis ortum pro
laboratoribus et viatoribus campestribus ac advenis et peregrinis quotidie celebrandæ,
salvis dominicis ac in choro et in foro diebus celebribus, fuit institutus, nos
considerantes, etc.... vicarium.... Primissario prædicto ad perficiendam primam missam
diximus adjungendum, sic quod ipsi ambo, etc.