recodere
Recourre. Consuetudines Marchiæ Dumbarum ann. 1325. art. 8. ex Archivo Trivoltiensi :
Si homo custodit in
prato alicujus alterius, talleis, blado seu tremesio, boves, vaccas seu alia animalia,
tenetur domino in sex libras Vienn. bonas Lugdunenses, pro banno seu ratione banni
dictorum animalium, et in emenda parti... et si custos dictorum animalium Recoderet seu
Recossam faceret familiaribus domini, in cujus dominio dicta animalia capta essent,
dominus custodis debet custodem illum, qui dicta animalia Recosserit, reddere aut septem
solidos fortes novos ratione dictæ Recossæ cum banno supradicto. Recognitio
Præpositi S. Symphoriani de Ancella ann. 1401 : Præpositus recipiet et ex nunc
recipit in se onus et periculum, casu quo contingeret ipsos prisonnarios a dictis
carceribus evadere.... eos Recodere. Vide Recossa et
Rescussa.