recordare
Hæc autem nostra
constitutio et confirmatio facta est apud Savigneium in Capitulo, et apud Filgerias
Recordata an. ab Incarn. Domini mclxiii. Reddere maluerim
Recognoscere, confirmare : qua notione eadem vox omnino sumenda videtur in Spicilegio
Fontanellensi MS. pag. 310. ubi de electione Abbatis : Prior vel alius Spiritus
sancti accensus fervore dicens : Talis est ydoneus ad regendum monasterium in
spiritualibus et temporalibus, si placet omnibus sit Pastor noster. Si omnes
concorditer, unanimiter et repente illum assumant, statim omnes seculares
(Advocati duo de curia Ecclesiæ Rotomag. Tabellio, etc.) veniunt in
Capitulo, ut audiant electionem : qua audita, et Recordata ab omnibus extantibus de
Conventu, super hoc de concilio (consilio) peritorum instrumentum fit de
electione. Thomas MadoxFormul. Anglic. pag. 228 :
Concordia
facta... anno Regis Edwardi tercio a conquestu septimo.... concessa et Recordata coram
præfatis Willelmo, Johanne, etc. Glossæ Lat. de Recordatione:
Singulis diebus debet Recordationem tenere Magister, et
postquam Recordaverint antiphonas et responsoria, debet corrigere eos, qui non bene
ordinem non servaverint. Occurrit alia notione in
Recordum.