smurdus
manus mortuæ; colonum interpretatur J. Leonh. Frisch. in Miscellan. Berolin. tom. 4. pag. 190. quo mortuo dominus ex hæreditate vel relictis bonis ejus optimum unum sibi eligit et sumit, vel equum vel meliorem vestem, a Sclavonica voce
Smrt, mors. Charta Otton. burggr.
de Kirchbergann. 1279. apud Schilter. tom. 1. Instit. jur. publ. :
Nos Th. et Vitgomen fratres de Conlitzen, ex ipsorum servilitate nobis
ex jure Smurdorum ab antiquo astrictos, manumittimus a tali late et libere servitute,
etc.
Smurdones Zmurdi,in chart. ann. 1041. apud Maderum in Antiq. Brunswic. pag. 222.
Zmurtiin veter. Notit. apud Haltaus.
Smerdi, in chart. post ann. 1291. apud Lappenb. Hist. Orig. Hans. Document. pag. 165. Homines sunt infimæ plebis, a voce Slavica
Smerd, Fœtere, putere.