tarifa
Tarif, quod proprie est Series rerum, præsertimque consanguineorum in genealogiis ; hinc transiit ad quarumlibet rerum indicem seu catalogum, maxime mercedis, Scribis ac Notariis exsolvendæ pro instrumentis ab iisdem confectis. Statuta Genuens. lib. 1. cap. 14 :
Scribæ et
Notarii ac subscribæ dictorum Potestatum et jus dicentium non possint accipere pro
mercede, nisi illud quod per Tarifam sive Statuta concessum est. Concilium
Hispal. ann. 1512. inter Hispanica tom. 4. pag. 19. col. 2 : Inserat in libro taxam
de his, quæ sunt solvenda (Notario) juxta Tariffam. Rursum occurrit ibi pag. 22.
et alibi.