valimentum
recipiens ‥ solis radium per bussulum magnum in culo totum perforatum ad instar sachi discusiti in ymaginem quam faciebamus ad valimentum cujusdam rei future et optate diu
Validitas, ab Italico
Fuit ordinatum
quod quilibet habens Valimentum ccc. librarum, mutuaret communi
xx. solidos imperiales. Statuta Genuens. lib. 1. cap. 23. fol. 30 :
Et insuper illam personam, quæ dictam possessionem acceperit, condemnare debeat
in decimam partem Valimenti rerum acceptarum. Statuta Vercell. lib. 2. fol. 37 :
Item statutum est quod aliquis creditor, undecumque sit, non possit petere vel
exigere prætextu interesse vel alio aliquo modo vel causa, cujuscumque conditionis sit
debitum Valimentum seu melioramentum monetæ ab aliquo districtus Vercellarum.
Statuta crimin. Saonæ cap. 43. fol. 99 : Et ultra illum condemnare (teneatur
Magistratus) in tanta quantitate pecuniæ quantum erit Valimentum rei, de qua
possessionem invaserit, vel occupaverit, facta æstimatione post accusationem juxta
probationes legitimas fiendas a prædicto accusatore, cujus condemnationis, seu
Valimenti, tertia sit injuriam patientis, etc.
Si creditor conqueritur de eo, quod dictum pignus minus valet ; dabit reus
debitor de illo minus Valimento justitiam, si succumbit. Vide supra
Valetudo 2.