vechia
Petrus de Beoleio miles in Vulcassino dedit ecclesiæ S. Martini
Pontisarensis tertiam partem forraginis avenæ et Veciæ apud Beoleium. Alia ann.
1262. ibid. : Stramina et fourragia garbarum bladi, avenæ, ordei, fabarum, pisorum
et Vechiarum. Charta ann. 1244. ex Tabul. Compend. : Recognoverunt se
vendidisse... totum granum et paleam, totam Vechiam, totam lenticulam, etc.
Charta ann. 1255. in Chartular. S. Bartholomæi Betun. fol. 60 : Capitulum minus
juste spoliavit decimis antedictis videlicet, lini, canabii, et viridium Vechiarum.
Reposuerunt decimas bladi, avenæ, ordei, pisorum, fabarum, Vechiæ et aliorum
granorum, in Charta ann. 1303. ex Tabul. Corbeiensi. Occurrit præterea in
Chartulario S. Vandreg. tom. 2. pag. 1521. Vide Fabarium et
Pesait.