burban
Banleuca, quasi
Burgi bannum.
Si quis infregerit
bannum, quod Theotonica lingua Burgban dicitur.Infra Coloniam et terminos ipsius
civitatis, qui dicuntur Burban, apud Maximilianum Henricum in Apolog. part. 2.
pag. 10. 16. Charta Caroli IV. Imp. ann. 1356. apud eumdem pag. 95 : Et nihilominus
eisdem civibus et civitati Coloniensi illam consuetudinem, qua quandam libertatem, quæ
dicitur Burchban (infra Burgban) et Ban ville habuisse et habere, ut
dicitur, confirmaverimus, etc.
Burgbannet Jurisdictionem in urbe, præcipue superiorem, et Territorium quousque urbana patet jurisdictio significare scribit. Chart. Otton. ann. 940. in Falck. Tradit. Corb. pag. 209 :
Nullus horum
aut aliqua judiciaria potestas super præfatos homines potestatem ullius Banni, quam
Burgban vocant, habeat nisi ipsius monasterii abba, etc. Chart. Conrad. II.
ann. 1147. ap. Ludew. Reliq. MS. tom. 7. pag. 514 : Præfectura urbis quæ vulgo
dicitur Burgban. Confer Wichbild.