collaterii
Cotarii, Cotiers, Gens de Cote: sic forte dicti, quod
collatis, seu tributis obnoxii essent. Vitalis Episcopus Oscensis :
Fuerunt etiam quandoque villani, qui
Collaterii vocabantur, qui tam crudeli erant subditi servituti, ut etiam inter filios
Dominorum suorum ducerentur gladio dividendi. Hinc forte emendandus Martinus
Didacus Daux, Justitia Aragon. lib. 6. Observantiar. tit. de Privilegiis Dominæ Infantioniæ, § 9 :
Villani de parada antiquitus vocabantur Collati tendelli : erant
servituti subditi, ut etiam inter filios Dominorum suorum ducerentur gladio dividendi,
etc. Ubi legendum Collaterii, vel
Colladerii: nam
Collaterii, in Charta libertatum villæ Montisalbani ann. 1144. in Regesto Comitatus Tolosæ fol. 27 :
Colladarius extraneus, qui attulit
sal, ibi præbeat domino unum meall. et Colladerius extraneus qui traxerit sal, præbeat
1. pug. ubi Catellus in Comitibus Tolosanis pag. 323. habet Collaudarius. Vide Colerius