dagger

DAGGER

,

Daggerius

,

Daggerium

Pugio, sica, Anglis Dagger, Hispanis Daga, Gallis Dague, Cambro-Britannis Dager et Dagr. Kilianus : Dagge, Dagges, Pugio, Sica, Dolch. Catholicon Armoricum : Dac, Gall. Dague, Lat. Pugio, ou c'est badelaire. Statuta Willelmi Regis Scotiæ cap. 23 : Habeat equum, habergeon, capitium e ferro, ensem, et cultellum qui dicitur Dagger.... Habeat arcum et sagittas et Daggarium, et cultellum. Thomas Walsinghamus pag. 252 : Mox extracto cultello, quem Dagger vulgo dicimus, ictum Militi minabatur. Alibi : Extracto cultello Daggardo ejus cerebrum perforavit. Henr. Knyghton in Edw. III : Habentes cultellos, quos Daggerios vulgariter dicunt. Liber Anglicus inscriptus Justice of peace pag. 730 : Longum Daggarum suum extraxit, et in pæfatum N. insultum fecit. Octavianus de S. Gelais in Viridario honoris : Harnois compleits de fine armurerie, Trez, arbalestres, Dague de Praguerie. Alibi : A son costé chascun la Courte Dague. Rursum : A leur costé l'espée longue et large, La courte Dague pour son homme aborder. Vide Monstrelletum 1. vol. cap. 94. pag. 143. Chron. Flandr. pag. 232. Joinvill. in S. Ludovico pag. 105. etc. Vocem a Dacis, quasi eorum propria fuerint arma, quidam deducunt, vel ab Hebræo Dacach, Acuere.

Daga

, Eadem notione. Concilium II. Pisanum pag. 159 : Nec Dagas seu cultellos ferant ultra longitudinem palmi unius, præter Palefranarios, cum Dominos comitabuntur. Rursum occurrit in Synodo Taracon. ann. 1591. Daga argentea, apud Th. Madox in Formulari Anglic. pag. 431. bis.

Dagha

, Pugio, sica, ensis, Ital. Daga, nostris Dague. Annal. Estens. ad ann. 1395. apud Murator. tom. 18. Script. Ital. col. 920 : Confoditur pugnionibus, videlicet Daghis et ensibus in omnibus partibus corporis. Dague vero, pro Contumelia, maledicto, metaphorico sensu, quatenus, nimirum conviciis vindicandis Dagha seu ensis adhibetur : vel quod veluti Dagha, convicium pungit. Lit. remiss. ann. 1397. ex Reg. 152. Chartoph. reg. ch. 131 : Et pour ce qu'il sembla audit Touse qu'il deist ce par maniere de raffarde ou moquerie, lui dist, je te prie, ne me baille point de Dague, j'en ai assez d'une.

Dagarium

, apud Rymer. tom. 10. pag. 508. col. 1 : Deferentes sive non deferentes gladios, Dagaria, etc.

Dagarius

, apud eumd. tom. 12. pag. 583. col. 1.

Daca

, non semel in Philippide Guillelmi Britonis, et in Statutis Arelat. e MS. D. Brunet. fol. 21. verso.

Diga sive magnus cultellus

, in Hist. Translationis S. Appollinaris, tom. 5. Julii pag. 384.

Daguificare

, Dagis confodere. Chronicon Siciliæ inter Anecd. Marten. tom. 3. col. 41 : Rogerio de Lauria, viro utique strenuo et sollicito ad manutenendum Siculos et Daguificandos hostes.