defructus
De fructuad vesperas natalitii Domini, quæ solemniori ritu cantabatur. Concil. Narbon. ann. 1551. can. 47 :
Parochis prohibemus, ne posthac ad comessationes, quas
Defructus appellant, ullo modo parochianos suos admittant. Comput. ann. 1479.
inter Probat. tom. 3. Hist. Nem. pag. 339. col. 2 : Item solverunt die xvj.
Januarii dicti anni lxxix. amore Dei, pro Deffructu natalis, dari solito conventui
fratrum Prædicatorum dictæ civitatis Nemausi, v. sol. Turon. Item dicta die, pro simili
Deffructu, solverunt conventui fratrum Carmelitarum, amore Dei, v. sol. Turon.
Alius ann. 1393. ibid. pag. 125. col. 1 : Die xxiiii. Decembris, quæ fuit die
nativitatis Domini, domini consules iverunt ad sermonem in domo Prædicatorum, et fratres
dicti conventus fecerunt eis, sive uni ex ipsis dominis consulibus, dicere De fructu, in
vesperis : et ideo dicti domini consules ordinaverunt eis dare pro pitancia duos
agnos. Vide Mercur. Franc. ann. 1726. mens. Febr. pag. 218. et ann. 1727. mens.
Maii pag. 925.