frisacensis
Ecclesia S. Petri quam M. de Hunpert construxit
in prædio suo, singulis annis debet solvere domino papæ pro censu xij. denarios
Frisacenses. Charta Volrici Aquilej. patriar. ann. 1176. inter Monum. ejusd.
eccl. cap. 63. col. 598 : Quisque (negotiator) pro uno passu de terra
nostra quam occupavit, duos denarios Friesacensis monetæ singulis annis... nobis
persolvant. Alia ann. 1180. ibid. cap. 64. col. 621 : Annuatim quinque
denarios Friesacenses præfatæ ecclesiæ (Mosacensi) nomine census
persolvant. Dipl. Frider. II. imper. ann. 1242. ibid. cap. 54. col. 508. pro
eccl. Bamberg. : Apud Villacum novam monetam cudi faciat, quæ Frisacensi monetæ
æquipolleat. Marchæ Fresacensium denariorum mentio rursum occurrit in Ch. ann.
1169. et 1191. apud Bern. Pez. tom. 3. Anecd. part. 3. art. ix. et cxiv. Comput decimæ in
Italia collectæ pro subsidio T. S. ann. 1278. ex Cod. reg. 5376. fol. 242. v° :
Libræ vijc. ij. et sol. ix. Veronensium parvorum, et duæ marchæ
Frisacensium novorum argenti de Aquilegia,... computato mihi per collectores quolibet
Frisacensi pro xiiij. Veronensibus parvis.Tertiam (l. terram) prædio de Hormeliz
adjacentem contulit... pro octoginta tribus marcis et decem et septem ponderibus et
duobus Frisalicis emptam. Alia ejusd. reg. ann. 1233. apud Cencium inter Cens.
eccl. Rom. : Argentum vero quod prædictis ecclesiis persolvetur, erit in bonis
Friscalicis. Hinc pro