iusdicens
Teneatur et debeat ille Jusdicens vel magistratus noster in cujus jurisdictione
contingat hujusmodi massarium, colonum fictabilem vel mulinarium compellere realiter et
personaliter ad satisfaciendum domino suo prædicto de toto eo, quod eidem juridice dare
debuerit. Stat. Montis-reg. pag. 61 : Item statutum est quod omnis, qui
dare debeat aliquid communi, occasione emptionis vel officii, vel aliqua alia occasione,
non possit appellare a præceptis sibi factis per dominum Jusdicentem, præcipiendo quod
restituat vel solvat communi id, quod ei dare debet vel restituere.