pandecta
Vides... quam immeabile pelagus sit
Pandecta , in qua civile Jus continetur. Vide H. Stephanum de Abusu linguæ Græcæ
cap. 1. pag. 12. 13. Addit Papias ita etiam vocari vetus et novum Testamentum : quod et
firmant versus Alcuini Bibliorum libris adscripti, apud Baronium ann. 778. num. 27 :
Nomine Pandecten proprio vocitare memento,
Hoc corpus sacrum, lector, in ore tuo.
Quod nunc a multis constat Bibliotheca dicta,
Nomine non proprio, ut lingua Pelasga docet, etc.
Beda in Historia Monasterii Wiremuthensis cap. 15 : Bibliothecam utriusque
Monasterii, quam Benedictus Abbas magna cœpit instantia, ipse non minori geminavit
industria : ita ut tres Pandectes novæ translationis, quem (f. quos)
de Roma attulerat, ipse super adjungeret, quorum unum senex Romam rediens, secum inter
alia pro munere sumpsit, duos utrique monasterio reliquit.Pandectæ. In feminino, maxime in plurali, scribi usitatius observat Brencmannus in Hist. Pandect. lib. 3. cap. 6. ubi singulorum opiniones accurate recenset. Quoad cætera quæ ad
Pandectasspectant, ipsum consule, ut et Laur. Theodor. Gronovium de Emendat. Pandect.
Pandectæetiam dicuntur Glossæ a Matthæo Sylvatico medico Salernitano concinnatæ, quas Roberto Regi Siciliæ et Provinciæ Comiti nuncupavit. Hæ primum Neapoli editæ ann. 1474. Vide
MaittaireAnnal. Typogr. tom. 1. pag. 106.