retrodecimum
Arrieredisme, forte idem quod Redecima, seu Decima decimæ. Prima Curia Generalis Catalaniæ Jacobi Regis Aragon. ann. 1291 :
Nec
solvere teneantur tertium, vel aliquam quantitatem, vel partem loco tertii, vel
Retrodecimi. Vide in Retrocole.Retrodecimumidem esse quod
Redecimaseu Decima decimæ confirmari potest ex veteri Charta Bernerii cujusdam laici, quam exscripsit Stephanotius tom. 3. Antiquit. Pictav. MSS. pag. 555 :
Dimitto etiam hoc quod in terra de Jusgul
habebam, id est, accipiebam decimam et retinebam meum Retrodecimum, dimitto ministerium
hujus decimæ et dimitto Retrodecimum : omnia hæc dimitto, cum sex sextariis annonæ, quos
accipiebam in area. Retinebam minutas annonas, milium, viciam et garropam, et de decima
vini Retrodecimum. Vide Retrodecima.