vsucapio
Usucapiones capiantur a festo S. Georgii usque ad festum
S. Joannis Bapt. ut ducantur in civitatem, teneanturque ad festum S. Michaelis, ac
præsententur assidue in mercatu, ut si quispiam suam reperit personam, redimat 90.
denariis, equum 12. bovem 5. ex quibus duas partes Regi, tres Comiti tribuantur. Si vero
usque ad festum S. Michaelis inventi non fuerint, dividantur prædicto modo, tamen nullo
pacto vendantur, vel celentur, sed tantum labore eorum utantur. Quod si collector
vendiderit, vel celaverit, triplum reddat, ipseque decem pensas persolvat ; Comes vero
si itidem fecisse probatur, 55. pensas persolvat. Simili modo jubemus, ut qui
Usucapiones tenuerunt a tempore Regis Belæ usque ad festum S. Stephani,
dimittantur. Ubi usucapionesvidentur appellari, servi fugitivi, animalia fugitiva, vagantia et errantia, quæ a
Collectore rerum fugitivarum, quem vulgariter
Locerdech dicunt, inventa ad civitatem Provinciæ reducuntur, ut singuli, quod suum
est agnoscant, redimantque certo ac definito pretio. Vide supra cap. 13. Sambucus
usucapionemait esse pecus vagabundum.