et . Gloss. Bitur. Ecclesiæ : Abanéc sigillum
sacerdotale. Forte legendum cingulum. Est enim Abanes apud Calepinum ex
Hieronymo, cingulum sacerdotale. Ubi scribendum fuisset Abanet, seu Abnet,
ab Hebræo אבנט balteus, cingulum. Byssino utebatur
summus Sacerdos, lineo ceteri sacerdotes. Erat autem cingulum illud quatuor digitos latum,
et tanta contextum raritate ut colubri exuvium, cum deponit senectutem, sic
rotundum ut marsupium longius credidisses. Vide Hieron. in Epist. ad Fabiol. ; Lex.
Philol. Martinii ad vocem Abanes.Glossar. vet. ex Cod. reg.
7646 : Abanech, cingulum sacerdotale rotundum, polimita arte, ex cocquo, purpura,
iacinctoque contextum ; ita ut flores atque gemmæ in eo esse viderentur
distinctæ. Nihil ad rem aptius mihi hactenus occurrit.