pargus
Parcus, Septum quo oves includuntur. Tabularium Ecclesiæ Gratianopolitanæ sub Hugone Episcopo
Habet Episcopus per
totam parochiam S. Donati in unumquemque Pargum unum optimum agnum pro censu, vel 10.
denarios.
Parcus, Locus ad ferarum custodiam palis, cratibus, muris aut fossis circumseptus. Libert. Mailliaci castri ann. 1229. tom. 5. Ordinat. reg. Franc. pag. 716. art. 21 :
Si aliquod animal de parrochia Mailliaci, a tauris fugatum vel a muscis
coactum, forestam de Fretoy, sive hayam, sive plasseitum, quod est juxta Pargum
Mailliaci, intraverit, etc. Charta Petri ducis Brit. ann. 1235. in Chartul.
Campan. ex Cam. Comput. Paris. : Johannes filius meus dotavit eam
(Blancham) ... de castro de Fara, sito infra Pargum de Fara. In parco meo de
Fara, in alia ann. 1206. ibid.