rochetta
Rocca, parvum castellum seu præsidium in rupe positum. Annales Genuenses apud Murator. tom. 6. col. 305 :
Et dum Simon de Auria, vir utique
prudens, ad portum Veneris missus fuerat....... cogitavit secum de proditione præfatæ
Rochettæ ; et factis insidiis, nocte veniens ad Vernaciam cum ccc. hominibus,
ascenderunt clam montem, et ante lucem fuerunt coram Rochetta, et vi ceperunt eamque
igne combusserunt, etc. Chronicon Petri Azarii apud eumdem Murator. tom. 16.
col. 379 : Aliamque erexit Rochettam circa Pontem Ticini versus civitatem.
Vide Rocca.