stellum
Palium, locus palis circumseptus. Stat. Avenion. ann. 1243. cap. 81. ex Cod. reg. 4659 :
Faciant æquari Stellum a portali Pertusii usque ad portale
Briancioni, nec postea aliquis reponat ibi ligna, vel audeat locum illum aliter
impedire. Charta ann. 1232. ibid. : In loco, qui dicitur Stellum , prope
portale novum Pertusi. Epist. ann. 1251. apud Murator. tom. 4. Antiq. Ital. med.
ævi col. 497 : Fovea inter urbem Laude et castrum effecta est totaliter per
nostrates, et vallata est Stello et congruis betifredis. Vide supra
Stellata.