affidati
Commendatiet
Recommendatidicuntur in Constitut. Siculis lib. 3. tit. 7. et 8. ubi homines demanii affidatos vel recommendatos habere nulli licet, nisi a Principe licentiam impetraverit, vel certe eo jure gauderet : nam Barones in Regno Siciliæ id juris habebant. Charta Willelmi Regis Siciliæ ann. 1179. apud Ughell. tom. 7. pag. 984 :
Potestatem indulsimus ad opus
ipsius Ecclesiæ 25. homines Affidandi juxta usum et consuetudinem Ecclesiarum et Baronum
illarum partium,
Innocentius III. PP. lib. 2. Epist. ad Acheruntinum Archiepisc. : Auctoritate
præsentium indulgemus, ut homines, qui se tibi vel Ecclesiæ tuæ recommendare voluerint,
quod secundum terræ consuetudinem Affidatio nuncupatur,... tibi recipere liceat, et
absque contradictione cujuslibet retinere. Charta Guillelmi Comitis Marcisi ann.
1179. apud eundem Ughellum tom. 7. pag. 704 : Concedimus etiam eidem Ecclesiæ et
Prioribus ejusdem liberam potestatem Affidandi 65. homines, cum eorum familiis ex aliis
partibus Adventitios in loco Raye ;... videlicet per demanium et supra demanium
nostrum : quos volumus semper habere liberam potestatem emendi hæreditagia ab hominibus
nostris Marsici, etc. Effectum et vim Affidationis declarat Charta anni 1105.
apud eundem pag. 1071 : Et habeat liberam potestatem Affidandi et recipiendi in
dominio suo et in jurisdictione sua omnes homines, qui voluerint recipere dominium
ipsius Ecclesiæ, etc. Vide eundem Ughellum pag. 978. 979. 983. 984. et tom. 9.
pag. 97. 98. Affiezdicuntur in Statutis MSS. Caroli 1. Reg. Sicil. capite 127.