radicare
Radicavi in populo honorificato, Eccli. 24. 16. Rolandinus Patav. de factis in Marchia Tarvisina, apud Murator. tom. 8. col. 269 :
Istæ namque vindictæ duæ tam detestabiles et inormes, incœperunt in anno
isto, et de malo semper Radicaverunt in pejus. Literæ Universitatis Paris.
Carolo Regi Franc. ann. 1394. apud Acherium tom. 6. Spicil. pag. 82 : Verum
obsistente semper et prævalente hostis nequissimi versutia, qui in florenti Christi agro
hanc labem zizaniorum seminavit seminatamque aluit, et magis in dies alit ac
Radicat , hoc est, efficit, ut altius radices agat. Glossæ Lat. Græc. :
Radiare, Splendescere. Vita B. Giraldi de Salis apud Marten. tom. 6. Ampliss. Collect. col. 1009 :
Nocturna per vices ibi Radicare videntur et coruscare
luminaria, ita quod resplendet hortus inde et loci adjacentis
colonia.