grant
Est in Anglia quoddam Dæmonum genus, quod suo idiomate Grant nominant, ad
instar pulli equini anniculi, tibiis erectum, oculis scintillantibus. Istud Dæmonum
genus sæpissime comparet in plateis in ipsius diei fervore, aut circa solis occiduum, et
quotiens apparet, futurum in urbe illa, vel vico, portendit incendium, Cum ergo sequente
die vel nocte instat periculum, in plateis, discursu facto, canes provocat ad
latrandum : et dum fugam simulat, sequentes canes ad insequendum spe vana consequendi
invitat : hujusmodi illusio convicaneis de ignis custodia cautelam facit, et sic
officiosum dæmonum genus, dum aspicientes terret, suo adventu munire ignorantes
solet.